واشنگٹن: امریکی ریاست کنساس میں 55 سالہ اسکول ٹیچر کو ایک طالبہ کو لات مارنے پر ایک ماہ قید اور ایک سال کے لیے نااہل قرار دیدیا گیا ہے۔امریکی نشریاتی ادارے کے مطابق ریاست کنساس کے بلیو جیکٹ فلنٹ ایلیمنٹری اسکول کی 55 سالہ اسکول ٹیچر کرسٹل اسمتھ کو کم سن طالبہ کو دھکا دینے اور لات مارنے پر ایک ماہ قید کی سزا سنائی گئی ہے۔استانی کرسٹل اسمتھ کو ایک سال کے لیے نااہل بھی قرار دیا گیا ہے جبکہ اس دوران ٹیچر کو غصے کو قابو میں رکھنے سے متعلق ماہر نفسیات سے کلاسیں بھی لینا ہوں گی۔
