واشنگٹن : امریکہ کے صدر جوبائیڈن نے 2024 کیلئے 886 ارب ڈالر کا دفاعی بجٹ منظور کرلیا، اس میں 800 ملین ڈالر یوکرین کی امداد کیلئے مختص کیے گئے ہیں۔ بجٹ میں مختص کی گئی مجموعی رقم وزارت دفاع، توانائی، محکمہ خارجہ اور انٹیلی جنس سروسز پر خرچ کی جائے گی۔ صدر بائیڈن نے یوکرین، اسرائیل اور ایشیا پیسیفک کیلئے 106 ارب ڈالر مختص کرنے کا منصوبہ بنایا تھا تاہم وہ کانگریس سے تعاون حاصل کرنے میں ناکام رہے۔ دفاعی بجٹ میں سروسز سے وابستہ اہلکاروں کی تنخواہوں کی مد میں 5.2 فیصد اضافہ تجویز کیا گیا تھا جبکہ دفاعی بجٹ میں مجموعی طور پر تین فیصد اضافہ کیا گیا ہے۔
جمال خشوگی کی بیوہ کو امریکہ میں سیاسی پناہ
نیویارک : ترکیہ کے شہر استنبول میں قتل کیے گئے عرب صحافی جمال خشوگی کی اہلیہ حنان ایلاتر کو امریکہ میں سیاسی پناہ مل گئی۔ جمال خشوگی اکتوبر 2018 میں ہلاک ہوئے تھے، ان کی اہلیہ اگست 2020 میں امریکہ پہنچیں اور سیاسی پناہ کی درخواست دائر کی۔ برطانوی نشریاتی ادارے کے مطابق حنان ایلاتر کو 28 نومبر کو غیر معینہ مدت کیلئے سیاسی پناہ مل گئی ہے۔ یاد رہے کہ امریکی اخبار واشنگٹن ٹائمز کیلئے کام کرنے والے سعودی صحافی خشوگی کو 2 اکتوبر 2018 کو استنبول میں واقع سعودی سفارت خانے میں قتل کیا گیا تھا۔ ان کی ترک نڑاد 38 سالہ منگیتر ہیٹس کینگز جو خشوگی کے قتل سے پہلے ان کے ساتھ تھیں، نے ترک میڈیا کو انٹرویو دیتے ہوئے کہا تھا کہ قونصل خانے جاتے وقت خشوگی نے مجھے باہر کھڑا رہنے کی ہدایت کرتے ہوئے اپنے دونوں موبائل دیے دیے تھے، وہ اندر ہماری شادی کے حوالے سے ضروری کاغذات لینے کیلئے گئے تھے۔