ممبئی : نیشنلسٹ کانگریس پارٹی (این سی پی) کے قومی صدر شرد پوار کی منظوری سے شرور کے ایم پی ڈاکٹر امول کولہے کو بدھ کو مہاراشٹر پردیش این سی پی کا مہم سربراہ مقرر کیا گیا ہے ۔آج این سی پی کے آفیشل ٹویٹر ہینڈل پر پوسٹ کیے گئے ایک ٹویٹ کے مطابق اس سلسلے میں تقرری کا لیٹر مسٹر کولہے کو این سی پی کے ریاستی صدر جینت پاٹل نے سونپا ہے ۔اپنے خط میں مسٹر پاٹل نے کہا کہ مسٹر کولہے کو آئندہ لوک سبھا، ریاستی اسمبلی اور بلدیاتی انتخابات کے لئے ریاستی این سی پی کا مہم چیف مقرر کیا گیا ہے اور انہیں امید ہے کہ مسٹر کولہے تنظیم کو مضبوط کریں گے اور پارٹی کی قیادت کریں گے ۔ پارٹی کی قومی ایگزیکٹو صدر اور مہاراشٹر کی انچارج سپریہ سولے (ایم پی)، خزانچی اور سابق ایم ایل اے ہیمنت ٹکلے ، پالگھر کے ضلع صدر اور ایم ایل اے سنیل بھوسارا، ریاستی جنرل سکریٹری ادیتی نالاواڑے ، ریاستی جنرل سکریٹری سندیپ بیڈسے ، ممبئی کی ورکنگ صدر راکھی جادھو، ریاستی یوتھ کے صدر محبوب شیخ اور دیگر بھی موجود تھے ۔
