راجستھان کے وزیراعلیٰ اشوک گہلوت نے پنجاب کے وزیراعلیٰ کے عہدے سے استعفیٰ دے چکے امریندر سنگھ کی طرف سے نوجوت سنگھ سدھو کے خلاف محاذ کھولنے پر اتوار کو کہا کہ انہیں امید ہے کہ امریندر ایسا کوئی قدم نہیں اٹھائیں گے جس سے کانگریس پارٹی کو نقصان پہنچے۔انہوں نے یہ بھی کہا کہ بعض اوقات ہائی کمان کو ایم ایل اے اور عام عوام کی طرف سے موصول ہونے والی رائے کی بنیاد پر فیصلے کرنے پڑتے ہیں اور ایسے لمحات میں لوگوں کو اپنے ضمیر کی بات سننی چاہیے ،گہلوت نے یہ تبصرہ اس وقت کیا جب ایک دن پہلے امریندر سنگھ کے وزیراعلیٰ کے عہدے سے استعفیٰ دے دیا اور کہا کہ بار بار ایم ایل اے کی میٹنگ بلا کر وہ اپنی توہین محسوس کرتے ہیں جس کے بعد انہوں نے یہ قدم اٹھایا۔
