ماؤنٹ مونگانوئی (نیوزی لینڈ)۔ انگلینڈ نے اتوارکو یہاں پہلے ٹسٹ میں نیوزی لینڈ کے خلاف 267 رنز کی شاندار فتح اور دو میچوں کی سیریز میں 1-0 کی برتری حاصل کرنے کے لیے شاندار ٹیم کی کارکردگی پیش کی۔سدا بہار جوڑی جیمز اینڈرسن اور اسٹورٹ براڈ جنہوں نے ہفتے کے روز تاریخ رقم کی تھی جب انہوں نے آسٹریلیا کے عظیم کھلاڑی شین وارن اورگلین میک گرا کو پیچھے چھوڑ کر ٹسٹ تاریخ میں سب سے زیادہ وکٹیں لینے والے جوڑی بنی تھی، اس نے انگلینڈ کے لیے ٹسٹ فتح کو شاندار بنایا ۔اتوار کو اینڈرسن نے دوگیندوں میں دو وکٹیں حاصل کیں اور اسکاٹ کگلیجن اور ٹم ساؤتھی کو پویلین بھیج دیا جائے۔ یہ پہلا موقع تھا جب انگلینڈ نے نیوزی لینڈ کی سرزمین پر تقریباً 15 سالوں میں کوئی ٹسٹ جیتا ہے، اس کی تازہ ترین فتح اس وقت آئی جب ریان سائڈ باٹم کی پہلی اننگز میں سات وکٹیں لے کر مائیکل وان کی ٹیم کو نیپیئر کے میک لین پارک میں فتح دلائی جو مارچ 2008 میں درج ہوئی ۔ علاوہ ازیںجب میک کولم نے گزشتہ سال کے شروع میں کوچ کا عہدہ سنبھالا تھا تب سے انگلینڈ نے اپنے حالیہ11 ٹسٹ میچوں میں سے 10 مقابلے جیتے ہیں، ان کی واحد شکست ہے لارڈز میں جنوبی افریقہ کے خلاف ہوئی ہے ۔یہ ایک شاندار حالیہ فارم ہے اور اس نے انگلینڈ کو مردوں کی ٹسٹ ٹیم رینکنگ میں صرف آئی سی سی ورلڈ ٹسٹ چمپئن شپ لیڈرآسٹریلیا اور ہندوستان کے پیچھے تیسرے نمبر پر جانے میں مدد کی ہے۔اگرچہ نیوزی لینڈ میں سیریز موجودہ ورلڈ ٹسٹ چمپئن شپ کا حصہ نہیں ہے، لیکن یہ انگلینڈ کو دوسرے میچ اور اس سال آسٹریلیا کے خلاف ہوم گراؤنڈ پر ہونے والی ایشز سیریز سے قبل کافی اعتماد فراہم کرے گی۔انگلینڈ 25 فروری کو ویلنگٹن میں دوسرے ٹسٹ کے شروع ہونے پر نیوزی لینڈ کے خلاف سیریز جیتنے کی کوشش کرے گا۔ مختصر اسکور: نیوزی لینڈ 306 اور 126 (ڈیرل مچل 57 ناٹ آؤٹ؛ جیمز اینڈرسن 4-18، اسٹورٹ براڈ 4-49) ۔ انگلینڈ 325/9ڈکلیر اور 374 (جو روٹ 57، ہیری بروک 54، بین فوکس 51، اولی پوپ 49؛ بلیئر ٹکنر 3-55)۔
