نئی دہلی ۔ انڈین پریمیر لیگ (آئی پی ایل) میں کنگز الیون پنجاب کیخلاف شکست کے بعد رائل چیالنجرز بنگلور کے کپتان ویراٹ کوہلی پر دھیمے اوور ریٹ پر 12 لاکھ روپے کا جرمانہ عائد کیا گیا ہے۔ ہندوستانی میڈیا رپورٹس کے مطابق ویرات کوہلی کی ٹیم نے مقررہ وقت میں 20 اوورز پورے نہیں کیے، جمعرات کو کنگز الیون پنجاب کے خلاف کوہلی نے چھ باؤلرز کا استعمال کیا تھا۔ یاد رہے کہ ہندوستانی کرکٹ بورڈ کے زیر اہتمام انڈین پریمیر لیگ کا 13 واں ایڈیشن متحدہ عرب امارات میں 19 ستمبر سے شروع ہوگیا ہے۔انڈین پریمیر لیگ کے فائنل سمیت تمام میچز متحدہ عرب امارات کے 3 مقامات دبئی، شارجہ اور ابوظبی میں کھیلے جائیں گے،53 میچز پر مشتمل لیگ کا فائنل میچ 10 نومبر کو کھیلا جائے گا۔
