“اگر سپریم کورٹ میں بھی انصاف نہ ملے تو لوگ…”؛ دہلی کمیشن برائے خواتین کی سربراہ سواتی مالیوال نے بلقیس کیس پر کی بات

نئی دہلی: دہلی کمیشن برائے خواتین کی سربراہ سواتی مالیوال نے ہفتہ کے روز پوچھا کہ اگر سپریم کورٹ سے بلقیس بانو کی نظرثانی کی درخواست کو خارج کرنے کے بعد بھی عدالت سے انصاف نہیں ملتا ہے تو لوگ کہاں جائیں گے۔ بانو کے ساتھ 2002 کے گجرات فسادات کے دوران اجتماعی عصمت دری کی گئی تھی اور ان کے خاندان کے سات افراد کو قتل کر دیا گیا تھا۔ عدالت نے بانو کی اس درخواست کو خارج کر دیا ہے جس میں عدالت عظمیٰ کے اس حکم پر نظرثانی کی درخواست کی گئی تھی جس میں گجرات حکومت سے گینگ ریپ کیس میں 11 قصورواروں کی سزا میں معافی کی درخواست پر غور کرنے کو کہا گیا تھا۔