اوٹاوا، 14 اگست (یواین آئی) کینیڈا کی سب سے بڑی فضائی کمپنی ایئر کینیڈا نے کہا ہے کہ وہ اپنے ملازمین کی ممکنہ ہڑتال کے پیش نظر جمعرات سے اپنی پروازیں منسوخ کرنا شروع کر دے گی۔ایئر کینیڈا نے چہارشنبہ کے روز کہا کہ جمعہ کو مزید پروازیں منسوخ کی جائیں گی، جبکہ ہفتے کے روز ایئر کی اور ایئر کینیڈا روج کی پروازیں مکمل طور پر بند رہیں گی۔ اس سے روزانہ تقریباً 1,30,000 مسافر متاثر ہو سکتے ہیں۔ ایئر کینیڈا کے مطابق یہ 259 طیاروں کے بیڑے کے ساتھ دنیا بھر میں چھ براعظموں کے تقریباً 65 ممالک میں پرواز کرتا ہے ۔اس ہڑتال کی کال کینیڈین یونین آف پبلک ایمپلائز نامی تنظیم نے دی ہے ، جو 10,000 فلائٹ اٹینڈنٹ کی نمائندگی کر رہی ہے ۔ تنظیم کے ملازمین تنخواہوں میں اضافہ ، زمینی تنخواہ، بہتر پنشن اور مراعات اور عملے کے آرام جیسے مسائل پر 8ماہ سے مذاکرات کر رہے تھے لیکن بات چیت کسی نتیجہ پر نہ پہنچ سکی۔ یونین کے 99.7 فیصد ملازمین ہڑتال کے حق میں ہیں۔
