تہران : ایرانی صدر حسن روحانی نے اتوار کو جاری کردہ اپنے ایک بیان میں امریکی پابندیوں کی مخالفت نہ کرنے پر کئی ملکوں کو تنقید کا نشانہ بنایا۔ انہوں نے کہا کہ ایران کے ’دوست‘ ممالک کو یکطرفہ امریکی اقدامات اور پابندیوں کی مخالفت کرنی چاہیے تھی۔ روحانی نے مزید کہا کہ امریکہ کو انسانی ہمدردی کی بنیادوں پر کورونا کی عالمی وبا کے باعث پیدا ہونے والی بحرانی صورتحال میں پابندیاں ختم کردینا چاہیے تھا ۔ روحانی کے مطابق اس مشکل وقت میں کسی بھی دوست ملک نے ایران کا ساتھ نہ دیا۔ واضح رہے کہ امریکہ نے جوہری معاملت سے یکطرفہ طور پر علیحدگی اختیار کرتے ہوئے ایران پر سخت ترین پابندیاں عائد کر رکھی ہیں۔
