تہران ۔4؍ستمبر ( ایجنسیز )ایران کی اعلیٰ قومی سلامتی کونسل کے سیکریٹری علی لاریجانی نے برطانوی وزیراعظم کے قومی سلامتی کے مشیر جوناتھن پاول سے ٹیلیفونک رابطہ کیا جس میں جوہری مذاکرات کی بحالی اور ’’میکانزم آف اسنیپ بیک‘‘ کے مسئلے پر تبادلہ خیال کیا گیا۔ لاریجانی کے دفتر کے مطابق دونوں حکام نے اس بات پر اتفاق کیا کہ جوہری معاملات کو مذاکرات کے ذریعے منظم کرنے کیلئے تبادلہ خیال کا سلسلہ جاری رکھا جائے۔لاریجانی نے اس موقع پر کہا کہ ایران امریکہ کے ساتھ جوہری پروگرام پر مذاکرات کیلئے تیارہے، تاہم اپنے میزائل پروگرام پر کسی بھی قسم کی پابندی قبول نہیں کرے گا۔’ایکس‘ پر لاریجانی نے لکھا کہ ’’امریکہ کے ساتھ مذاکرات کا راستہ بند نہیں ہوا۔
