محبوب نگر۔26؍نومبر(سیاست ڈسٹرکٹ نیوز)ملک میںجمہوریت اور دستو ر کے تحفظ کیلئے کانگریس پارٹی برسہا برس سے مضبوطی کے ساتھ ڈٹی ہوئی ہے ۔حالات کا تقاضہ ہے کہ سب مل جل کر پارٹی کومستحکم کریں اور عوامی مسائل کی یکسوئی کیلئے متحدہ طورپرکام کریں۔ان خیالات کا اظہار مقامی ایم ایل اے سرینواس ریڈی نے کیا۔ وہ اپنے کیمپ آفس میں ضلع کانگریس کے نئے صدر کی حیثیت سے مقرر ہونے والے سنجیو مدیراج کی شال پوشی کے موقع پر بات کررہے تھے ۔انہوںنے توقع ظاہر کی کہ سنجیو مدیراج ایک باصلاحیت قائدہیں اور وہ پارٹی کی ترقی اور استحکام کیلئے مسلسل کام کریںگے ۔ رکن اسمبلی نے بنیادی سطح پرپارٹی کو مضبوط کرنے اورآئندہ ہونے والے بلدیاتی انتخاب میں پارٹی کی کامیابی کیلئے محنت کرنے کا مشورہ دیا۔ اس موقع پر بیکری انیتا‘سی جے بنہر‘پروین کمار‘ رگھوپت ریڈی ‘ ریاض ‘طاہر‘ ملیش ودیگرموجودتھے ۔
