نئی دہلی۔22 جنوری۔( سیاست ڈاٹ کام ) دلی کی ایک عدالت نے سابق مرکزی وزیر ایم جے اکبر کے ہتک عزت معاملے میں صحافی پریا رمانی کو سمن کئے جانے پر 29 جنوری کے لئے فیصلہ محفوظ رکھا۔صحافی رمانی نے اکبر پر جنسی استحصال کے الزامات لگائے تھے ۔ اس کے بعد اکبر نے رمانی پر ہتک عزت کا معاملہ درج کرایا تھا۔ اکبر نے جنسی استحصال کے الزام لگائے جانے کے بعد گزشتہ برس 17 اکتوبر کو وزیر مملکت برائے خارجی امور کے عہدے سے استعفیٰ دیدیا تھا۔ایڈیشنل چیف میٹروپولیٹن مجسٹریٹ سمر وشال نے اس معاملے میں اکبر کے خلاف ایڈوکیٹ گیتا لوتھرا کی جرح کے بعد فیصلہ محفوظ رکھ لیا۔ پریا رمانی نے اکبر پر 20 سال قبل ان کے ساتھ جنسی زیادتی کے الزام لگائے تھے ۔ اگرچہ اکبر نے ان الزامات کو یکسر مسترد کردیا تھا۔
