حیدرآباد : بلاک فنگس انفکشن اور اینٹی وائرل انجکشن کو کالا بازاری کرنے والے 4 افراد کو اسپیشل آپریشن ٹیم ملکاجگری زون نے گرفتار کرلیا۔ ایس او ٹی نے دو علحدہ کارروائیوں میں 4 افراد 31 سالہ وایناش اور 34 سالہ الوال وینکٹیش ساکنان ناگول اور 26 سالہ سنکریت ساکن شنکر پلی اور 32 سالہ کمار ساکن چندانگر کو گرفتار کرلیا۔ پولیس نے ان کے قبضہ سے (AMFIGHT)(4) انجکشن جو بلاک فنگس انفکشن میں استعمال کیا جاتا ہے کے علاوہ دیگر افراد کے قبضہ سے (6) ریمڈیسیور انجکشن کو ضبط کرلیا جو ضرورتمندوں کو زائد قیمتوں میں فروخت کرنے کی کوشش کررہے تھے۔
