حیدرآباد 20 ۔ نومبر : ( سیاست نیوز) : ریاست آندھرا پردیش کے ڈی جی پی ہریش کمار گپتا نے کہا کہ ریاست میں آپریشن سمبھو کامیاب ہوگیا ہے ۔ خصوصی طیارے میں ڈی جی پی رمپا چوڈا ورم پہنچے اور اے او بی علاقوں کا فضائی سروے کیا ۔ ماریڈو ملی میں کئے گئے دو انکاونٹرز کے بعد ضبط کئے گئے ہتھیاروں کا بھی معائنہ کیا ۔ اے کے 47 ، رائفل دھماکو اشیاء کا بھی معائنہ کیا ۔ میڈیا سے خطاب کرتے ہوئے ڈی جی پی نے کہا کہ انکاونٹرس میں 13 ماؤ نوازوں کی ہلاکت ہوئی ہے ۔ آپریشن کے ذریعہ 50 ماؤنوازوں کو گرفتار کیا گیا ۔ ڈی جی پی نے کہا کہ جون میں رمپا چوڈا ورم انکاونٹر کے بعد ماؤ نوازوں کو خود سپردگی کا حکم دیا گیا تھا ۔ ریاست کو ماؤنوازوں سے پاک کرنے کا عہد کرتے ہوئے ڈی جی پی نے کہا کہ آپریشن سمبھو مسلسل جاری رہے گا ۔ انہوں نے کہا کہ پہلے انکاونٹر میں ماؤنوازوں کے اہم ترین لیڈر ہڈما کی موت ہوئی ۔ دوسرے دن بھی انکاونٹر میں مزید 7 ماونواز ہلاک ہوگئے ۔ انکاونٹر کے مقام پر ملی ڈائری کے مطابق پولیس ، گرے ہاونڈز ، آکٹوپس اہلکاروں نے سرچ آپریشن کرکے 50 ماؤنوازوں کو گرفتار کرلیا ۔ انہیں کورٹ میں پیش کیا گیا اور کورٹ نے انہیں ریمانڈ کے لیے بھیج دیا ۔۔ ش
