واشنگٹن : امریکہ کے صدر جو بائیڈن نے 8 لاکھ 4 ہزار طلبہ کا 39 ارب ڈالر کا قرضہ معاف کردیا۔ محکمہ تعلیم نے اعلان کیا کہ 20 سے 25 سال تک ماہانہ انکم ڈریون ری پیمنٹ کرنے والے طلبہ کے قرضہ معاف کردیے جائیں گے۔ سکریٹری تعلیم میگوئیل کارڈونا نے کہا کہ بہت طویل عرصہ سے، قرض دار ایک ٹوٹے ہوئے نظام میں موجود خامیوں کی وجہ سے مشکلات میں تھے، یہ نظام حق داروں کا قرضہ معاف کرنے کی درست نشاندہی نہیں کر پا رہا تھا۔ سپریم کورٹ نے صدر بائیڈن کی طرف سے سیکڑوں ارب ڈالر کے قرضہ معاف کرنے کے منصوبہ کو منسوخ کر دیا تھا جس کے بعد انہوں نے کہا تھا کہ وہ طلبہ کو قرضہ میں آسانی فراہم کرنے کیلئے نئے اقدامات کریں گے۔ محکمہ تعلیم نے 430 ارب ڈالر کے قرضہ فراہم کرنے کیلئے منصوبہ بنایا ہے جو چند ماہ میں شروع ہوگا۔
نائب صدر کملا ہیرس نے کہا کہ حکومت اس بات کو یقینی بنائے گی کہ بغیر قرض لیے امریکیوں کی رسائی اعلیٰ تعلیم تک ہو۔