واشنگٹن : برطانوی وزیراعظم سرکیئر اسٹارمر کی وائٹ ہاؤس میں امریکی صدر جوبائیڈن سے ملاقات شروع ہوگئی۔ اس سے پہلے دونوں رہنماوں نے مصافحہ کیا تاہم صحافیوں کے زیادہ تر سوالوں کے جواب نہیں دیئے۔ صدر بائیڈن کا کہنا تھا کہ روس کے صدر ولادیمر پوٹین یوکرین جنگ نہیں جیت سکیں گے۔ انہوں نے کہا کہ میں پوٹین کے بارے میں زیادہ نہیں سوچتا۔ برطانیہ کے وزیراعظم کیئر اسٹارمر کا کہنا تھا کہ امریکہ سے خصوصی تعلق مضبوط کیا جائے گا۔ کیئر اسٹارمر نے کہا کہ یوکرین جنگ سے متعلق آئندہ چند ہفتہ اور مہینے اہم ہوسکتے ہیں۔
