لندن ۔ 9 ڈسمبر (ایجنسیز)برطانیہ کے بیشتر حصے میں’طوفان برام‘ کے سبب تیز ہوائیں چلیں گی اور شدید بارشیں ہوں گی۔بین الاقوامی میڈیا کی رپورٹ کے مطابق طوفانی ہواؤں کے باعث انگلینڈ اور ویلز میں 3 ہزار گھر بجلی سے محروم ہیں۔رپورٹ میں بتایا ہے کہ لندن سے ساؤتھ ویسٹ انگلینڈ اور ساؤتھ ویلز کیلئے ریل سروس متاثر ہے، اسکاٹ لینڈ میں بھی ریلوے کا نظام متاثرہے، ڈبلن ایئر پورٹ پر 40 سے زائد پروازیں بھی منسوخ ہوگئیں۔رپورٹ کے مطابق بارش اور سیلاب کے پیش نظر ساؤتھ ویلز اور ساؤتھ ویسٹ انگلینڈ کیلئے ایمبر وارننگ جبکہ ناردرن آئرلینڈ، اسکاٹ لینڈ، ویلز، ناردرن اور ساؤتھ ویسٹ انگلینڈ کیلئے یلو وارننگ جاری کر دی گئی ہے۔رپورٹ میں مزید بتایا ہے کہ ملک بھر میں آج درجہ حرارت بلند ہے جو 16 سیٹی گریڈ تک جاسکتا ہے۔ رپورٹ کے مطابق لندن میں تمام دن موسم ابر آلود رہنے اور ہلکی بارش کا امکان ہے جب کہ درجہ حرارت 14 ڈگری سینٹی گریڈ تک رہے گا۔
