متاثرین کی تعداد14543 تک جا پہونچی
لندن ۔ 28 مارچ ۔ ( سیاست ڈاٹ کام) برطانیہ میں جان لیوا کورونا وائرس کووڈ 19 کیسز میں مسلسل اضافہ ہورہا ہے اور ملک بھر میں اس وائرس کی زد میں آ کر اب تک 759 افراد کی موت ہو چکی ہے ۔محکمہ صحت نے ہفتہ کو بتایا کہ گزشتہ 24 گھنٹوں کے دوران ملک بھر میں کورونا وائرس کے معاملہ 11 ہزار 658 سے بڑھ کر 14ہزار 543 تک پہنچ گئے ہیں۔ محکمہ نے کہا[؟]27 مارچ کو صبح نو بجے تک کل ایک لاکھ تیرہ ہزار 777افراد کی جانچ کی گئی، جس میں 99 ہزار 234 کی رپورٹ نگے ٹو آئی ہے جبکہ 14ہزار 453 افراد کے متاثر ہونے کی تصدیق ہوئی ہے ۔ 26 مارچ کو شام پانچ بجے تک 759 متاثرینکی موت ہو گئی[؟]۔اس کے علاوہ برطانیہ کے وزیر اعظم بورس جانسن بھی کورونا وائرس کی جانچ میں مثبت پائے گئے ہیں۔ انہوں نے جمعرات کو ایک ویڈیو جاری کرکے یہ اطلاع دی۔ اس خطرناک وائرس سے دنیا میں تقریبا27ہزار افراد کی موت ہو چکی ہے ۔
