حیدرآباد۔ملک پیٹ کے علاقہ میں ایک نوجوان برقی شاک کی زد میں آکر فوت ہوگیا۔ پولیس کے مطابق 22 سالہ سید عابد جو الیکٹرک ڈپارٹمنٹ میں کنٹراکٹ لیبر تھا سلطان شاہی علاقہ کا ساکن بتایا گیا ہے۔ سید عابد کل آسمان گڑھ علاقہ میں اپنے ساتھی ستیش کے ہمراہ برقی مرمتی کام میں مصروف تھا اور ستیش نیچے تھا۔ کام کے بعد برقی پول سے نیچے اترنے کے دوران پیش آئے حادثہ میں برقی شاک کی زد میں آکر عابد شدید متاثر ہوگیا اور علاج کے دوران فوت ہوگیا۔ ملک پیٹ پولیس مصروف تحقیقات ہے۔
