عوام کی سہولیات کیلئے ٹی آر ایس کی منفرد اسکیمات، ریاستی وزیر کے ٹی آرکا خطاب
شادنگر ۔تلنگانہ ریاستی وزیر آئی ٹی و بلدیات کے ٹی آر کے ہاتھوں شادنگر حلقہ کے کتور منڈل مستقر بلدیہ میں مختلف ترقیاتی کاموں کا سنگ بنیاد رکھا گیا،بعد ازاں کتور مستقر میں منعقدہ جلسہ عام سے مخاطب کرتے ہوئے کے ٹی آر نے کہا کہ کتور منڈل کے بلدیہ کا آئندہ شاندار مستقبل ہے ۔انہوں نے کتور بلدیہ کو مزید ترقی فراہم کرنے کیلئے 7 کروڑ دینے کا اعلان کیا۔ٹی آر ایس پارٹی ذات پات کی سیاست نہیں کرتی۔ ٹی آر یس پارٹی کی حکومت وعدوں کو پورا کرنے والی حکومت قرار دیا۔ تلنگانہ حکومت بالخصوص چیف منسٹر کے سی آر ریاست کے تمام طبقات کی سماجی فلاحی و بہبودی اور ترقی کے ذریعہ بہتر حکمرانی چل رہی ہے۔ وزیر کے ٹی آر نے کہا کہ ٹی آر ایس حکومت عوام کیلئے منفرد اسکیمات کو روبعمل لاتے ہوئے سہولت فراہم کر رہی ہے۔ 24 گھنٹہ بلا وقفہ برقی۔ مثن بھاگیرتا کے ذریعہ ہر گھر گھر نل کا پانی۔ وظیفہ۔ شادی مبارک کلیان لکشمی۔ ڈبل بیڈ روم مکانات کی تعمیر۔ بہترین تعلیم کا نظم اور دیگر مختلف ترقیاتی کاموں کو روبعل لایا گیا۔ کے ٹی آر نے کہا کہ کتور منڈل کا آئندہ بہترین مستقبل ہے۔ اس لئے کے کتور شمس آباد انٹر نیشنل ائرپورٹ اور اوٹر رنگ روڈ سے قریب میں واقع ہے۔ شادنگر اور کتور کے درمیان سے ایک اور ریجنل رنگ روڈ بہت جلد آرہی ہے۔ جس کی وجہہ سے کتور کا شاندار مستقبل ہے۔ اس کے علاوہ کئی ایک ترقیاتی کام انجام دیا جارہا ہے۔ شادنگر ایم ایل اے وائی انجیا یادو کی قیادت میں اس موقع پرکئی ایک کانگریس قائدین نے ٹی آر یس پارٹی میں شمولیت اختیار کی ٹی آر یس پارٹی میں شامل ہونے والوں کو کے ٹی آر نے پارٹی کھنڈوا ڈال کر پارٹی میں شامل کرلیا۔ کے ٹی آر نے کانگریس پر تنقید کرتے ہوئے کہا کہ کانگریس کی سابقہ کارکردگی کی وجہہ سے ریاست کی عوام اچھی طرح واقف ہو گئی ہے۔ عوام کو کانگریس پر سے بھروسہ ختم ہو گیا ہے .۔ اس موقع پر ریاستی وزیر سرینواس گوڑ۔ یم پی محبوب نگر ین سرینواس ریدّی۔ شادنگر یم یل اے وائی انجیا یادو۔ شادنگر سابقہ یم یل اے پرتاب ریدّی۔ بی کشٹیا۔ زیڈ پی چیرمین سریمتی انیتا ریدّی کے علاوہ دیگر مقامی ٹی آر یس پارٹی قایدین دیگر موجود تھے قبل ازیں کے ٹی آر کا پارٹی قائدین نے شاندار استقبال کیا کے ٹی آر نے کتور کے پاس واقع بی آر امبیڈکرکے مجسمے پر پھول مالا چڑھایا۔ اور بھر پور خراج عقیدت پیش کیا ۔