تقریب میں وزیر اعظم مودی ‘ امیت شاہ اور دیگر اہم قائدین کی شرکت
گاندھی نگر: گجرات میں نئی حکومت کی آج حلف برداری تقریب منعقد ہوئی۔ بھوپیندر پٹیل نے لگاتار دوسری مدت کے لیے گجرات کے چیف منسٹر کی حیثیت سے حلف لیا۔ گورنر آچاریہ دیوورت نے انہیں عہدہ اور رازداری کا حلف دلایا۔ حلف برداری کی تقریب گاندھی نگر میں نئے سکریٹریٹ کے قریب ہیلی پیڈ گراؤنڈ میں منعقد ہوئی۔ اس پروگرام میں وزیر اعظم نریندر مودی، مرکزی وزیر داخلہ امت شاہ، بی جے پی صدر جے پی نڈا، وزیر دفاع راج ناتھ سنگھ، سڑک ٹرانسپورٹ اور ہائی ویز کے وزیر نتن گڈکری، مرکزی وزیر صحت منسکھ منڈاویہ، مرکزی وزیر پرشوتم روپالا، سربانند سونووال موجود تھے۔ گجرات میں وزیر اعلی بھوپیندر پٹیل کی نئی کابینہ کے لیے ناموں کا اعلان کیا جا رہا ہے۔ وزیر اعلیٰ کے بعد کنوبھائی موہن لال دیسائی، پارڈی کے ایم ایل اے بھانوبین بابریہ، راجکوٹ دیہی سے ایم ایل اے کبیر بھائی دینڈور، سنترام پور کے ایم ایل اے کوونجرجیل باولیا، جسداں اسمبلی سیٹ کے ایم ایل اے نے حلف لیا۔ اس کے علاوہ مجورا سے ایم ایل اے ہرش سنگھوی، نکول اسمبلی سے جگدیش وشوکرما نے بھی حلف لیا۔