پٹنہ: جن سوراج کے بانی پرشانت کشور (پی کے ) نے آج دعویٰ کیا کہ اگر بہار میں قبل از وقت اسمبلی انتخابات کرائے جاتے ہیں تو ان کی پارٹی اس کے لیے پوری طرح تیار ہے ۔ کشور نے منگل کو دعویٰ کیا کہ اگر بہار میں قبل از وقت اسمبلی انتخابات ہوتے ہیں تو ان کی پارٹی اس کے لیے پوری طرح تیار ہے ۔ تاہم انہوں نے بہار میں قبل از وقت انتخابات کے امکان کو مسترد کرتے ہوئے کہا کہ نتیش کمار وزیر اعلیٰ برقرار رہنے کے خواہشمند ہیں۔پی کے نے کہا کہ اس بات کا بہت کم امکان ہے کہ نتیش کمار قبل از وقت انتخابات کا مطالبہ کریں گے کیونکہ وہ ایک دن پہلے بھی اپنی کرسی چھوڑنا پسند نہیں کریں گے ۔ لیکن ایک بات طے ہے کہ وزیر اعلیٰ کی کرسی پر نتیش کمار کے یہ آخری دن ہیں اور آخری دن تک وہ وزیر اعلیٰ کی کرسی پر برقرار رہنے کی پوری کوشش کریں گے ۔
