مکہ مکرمہ ۔ سعودی وزارت حج وعمرہ نے کہا ہے کہ بیرون مملکت سے آنے والے زائرین کو ایک سفرمیں ایک سے زائد مرتبہ عمرے کی اجازت تین شرائط پر دی جائیگی۔ تفصیلات کے مطابق وزارت نے کہا ہے پہلی شرط یہ ہیکہ عمرہ زائرکی واپسی کا پروگرام دوسرے عمرے کی وجہ سے متاثر نہ ہو۔ عمرہ کمپنی کے متعلقہ انچارج کے ساتھ یکجہتی پیدا کرکے واپسی کی تصدیق کروالی جائے۔ دوسری شرط یہ ہے کہ عمرہ زائر جس گروپ کے ساتھ آیا ہو دوسرے عمرے کی درخواست اس گروپ کی طرف سے ہو انفرادی درخواست قابل قبول نہیں ہوگی۔ وا پسی کی تصدیق عمرہ زائر کے بجائے فیلڈ سروس کمپنی کے توسط سے ہی قابل قبول ہوگی۔ معتمرین کو فیلڈ سروس فراہم کرنے والی کمپنی اعتمرنا ایپ کے ذریعے عمرہ اجازت نامہ جاری کروائے۔ یاد رہے کہ بیرون ملک سے آنے والے زائرین کو ایک سفر میں صرف ایک مرتبہ عمرے کی اجازت دی جا رہی ہے دوسری مرتبہ عمرہ کرنے کے لئے چند شرائط پوری کرنی ہوں گی۔
