14 کروڑ 60 لاکھ روپئے لوٹنے کا الزام، فیس بک پر دوستی کا شاخسانہ
حیدرآباد ۔ 29 نومبر (سیاست نیوز) بیوہ کے بھیس میں ڈاکٹر کو لوٹنے والی مونیکا کو پولیس تلاش کررہی ہے۔ سرمایہ کے نام پر دگنی رقم منافع کا لالچ دیکر مونیکا نے جو اس کی فرضی شناخت ہوسکتی ہے ڈاکٹر کے 14 کروڑ 60 لاکھ روپئے لوٹ لئے۔ سائبر کرائم پولیس نے شکایت کے بعد ڈاکٹر سے تفصیلات کو حاصل کیا۔ بتایا جاتا ہیکہ ڈاکٹر کو مونیکا نے فیس بک کے ذریعہ ایک فرینڈ ایکوسٹ روانہ کی اور جیسے ہی اس نے درخواست کو قبول کیا مونیکا نے اپنے آپ کو ایک بیوہ ظاہر کیا اور بات چیت کے سلسلہ جیسے ہی شروع ہوا اس شاطر خاتون نے ڈاکٹر کو کمپنی میں سرمایہ کی پیشکش کی اور یقین دلایا کہ وہ بھی اس کمپنی میں ملازمت کرتی ہے۔ سرمایہ کے بعد ڈاکٹر کو منافع کے طور پر 86 لاکھ روپئے روانہ کئے گئے جس سے اس کو یقین آ گیا جس کے بعد ڈاکٹر نے اپنی جائیداد کو فروخت کردیا اور جمع پونجی سب سرمایہ کردیا۔ اس طرح ڈاکٹر نے 14 کروڑ روپئے سرمایہ کیا۔ ڈاکٹر کو اکاونٹ میں منافع دکھایا گیا لیکن رقم حاصل کرنے کیلئے 30 فیصد ٹیکس کے تحت 7.5 کروڑ روپئے ادا کرنے کیلئے کہا۔ مونیکا کے نام سے ڈاکٹر کو نشانہ بنانے والے سائبردھوکہ بازوں نے 26 نومبر تک 60 دن کے عرصہ میں ڈاکٹر کے 14.61 کروڑ روپئے لوٹ لئے۔ شکایت کے بعد پولیس نے تحقیقات کا آغاز کردیا ہے۔ع
