سنگاریڈی ۔22 نومبر ۔ ( سیاست ڈسٹرکٹ نیوز ) پولی مامڈی راجو ( پی ایم آر) امیدوار بی جے پی حلقہ اسمبلی سنگاریڈی نے پریس کانفرنس کو مخاطب کرتے ہوے کہا کہ کانگریس اور بی آر ایس کی وجہ سے حلقہ سنگاریڈی کی ترقی ٹھپ ہو چکی ہے ۔ گزشتہ 9 سال میں سنگاریڈی کو ترقی سے محروم رکھا گیا۔ موحودہ کانگریس کے رکن اسمبلی اور سابقہ بی آر ایس رکن اسمبلی نے حلقہ سنگاریڈی کے نوجوانوں کے روزگار کے لیے کچھ نھیں کیا۔ سنگاریڈی کے تعلیم یافتہ اور ہنر مند نوجوان بیروزگار ہے۔ موجودہ رکن اسمبلی عوام کو دستیاب نھیں رہتے جبکہ بی آ ر ایس امیدوار نے گزشتہ 5 سال کے دوران ماوراے دستور اتھارٹی کی طرح رول ادا کیا اور سرکاری کاموں میں مداخلت کی۔ پولی مامڈی راجو امیدوار بی جے پی حلقہ سنگاریڈی نے کہا کہ وہ حلقہ سنگاریڈی سے ایم ایل اے منتخب ہونے پر حلقہ سنگاریڈی کے نوجوانوں کو روزگار فراہم کرنے صعنتیں اور آئی ٹی سیکٹر کو سنگاریڈی میں قائم کروائیں گے ۔ تلنگانہ اور حلقہ سنگاریڈی کی ترقی کے لیے تلنگانہ میں ڈبل انجن کی سرکار ضروری ہے۔ انھوں نے عوام سے انھیں ووٹ دیکر کامیاب کرنے کی اپیل کی۔
