نئی دہلی ۔ /3 نومبر (سیاست ڈاٹ کام) کانگریس لیڈر رندیپ سنگھ سرجے والانے بی جے پی پر شدید تنقید کرتے ہوئے کہا کہ اب بی جے پی ’’بھارتیہ جاسوس پارٹی‘‘ بن گئی ہے ۔ نگرانی کرنے والے سافٹ ویئر ٹکنالوجی کے ذریعہ بی جے پی نے کئی سیاسی قائدین کے فون مبینہ طور پر ہیک کرلئے ہیں ۔ اس حرکت کے بعد بی جے پی کو بھارتیہ جاسوس پارٹی کا موقف حاصل ہوا ہے ۔ بی جے پی اپنے غیرقانونی اور غیردستوری کام انجام دیتے ہوئے جاسوسی کا ریاکٹ پھیلادیا ہے ۔
