متھرا ۔ اتر پردیش کے متھرا میں بی جے پی ایم ایل اے کے بھائی اور ان کے حامیوں نے اسپتال کے عملے کی پٹائی کی۔ اس واقعہ کی ویڈیو سوشل میڈیا پر وائرل ہو رہی ہے۔ ساتھ ہی اس معاملے میں ایم ایل اے نے کہا کہ ان کی والدہ بیمار ہیں۔ اسے ہسپتال میں داخل کروایا گیا۔ عملے نے اس کے اہل خانہ کے ساتھ بدتمیزی کی۔ راجیش چودھری نے بی جے پی کے ٹکٹ پر متھرا کی مانت اسمبلی سیٹ سے ایم ایل اے کا الیکشن جیتا ہے۔ الزام ہے کہ ان کا بھائی اور اس کے نمائندے ڈی ایس اسپتال میں داخل ہوئے اور عملے کے ساتھ مارپیٹ کی۔ یہ واقعہ سی سی ٹی وی کیمرے میں قید ہوگیا ہے ۔ ویڈیو میں دیکھا جا سکتا ہے کہ اچانک چار پانچ لوگ ہسپتال کے اندر داخل ہوتے ہیں اور ملازمین کو مارنا شروع کر دیتے ہیں۔ وہ ملازمین کو اسپتال کے کمرے سے باہر گھسیٹتے ہوئے لاتوں اورگھونسوں سے مارتے ہوئے نظر آتے ہیں۔ سوشل میڈیا پر وائرل ہو رہی ہے۔ ساتھ ہی اس معاملے میں ایم ایل اے نے کہا کہ ان کی والدہ بیمار ہیں۔ اسے ہسپتال میں داخل کرایا گیا۔ عملے نے اہل خانہ کے ساتھ بدتمیزی کی۔
