پونے ۔ مہاراشٹر میں اسمبلی انتخابات کے اعلان سے قبل بھارتیہ جنتا پارٹی کو پونے ضلع میں جھٹکا لگ سکتا ہے۔ ذرائع کے مطابق انڈا پور سے بی جے پی کے سابق ایم ایل اے ہرش وردھن پاٹل شرد پوارکی پارٹی این سی پی میں شامل ہو سکتے ہیں۔ ذرائع کے مطابق ہرش وردھن پاٹل جمعہ کی صبح 10 بجے پریس کانفرنس کرکے این سی پی (ایس پی) میں شامل ہوسکتے ہیں۔ ہرش وردھن پاٹل اور ان کی بیٹی انکیتا پاٹل نے ممبئی میں شرد پوار سے ان کی سلور اوک رہائش گاہ پر ملاقات کی۔ امکان ہے کہ پارٹی میں داخلے کے حوالے سے بات چیت ہوئی ہے۔پاٹل نہ صرف پونے بلکہ مہاراشٹر کے لیے بھی بی جے پی میں بڑا چہرہ ہیں۔ لہذا ان کی رخصتی بی جے پی کے لیے ایک بڑا دھکا ثابت ہو سکتی ہے۔
