لکھنؤ: ملک کی سیاست میں اہم کردار ادا کرنے والی ریاست اترپردیش میں گذشتہ دنوں بندیل کھنڈ ایکسپریس وے کے افتتاح کے وقت وزیر اعظم نریندر مودی نظم و نسق اور ترقیاتی کاموں پر زور دے کر اشارہ دیا تھا کہ سال 2024 کے لوک سبھا انتخابات میں بی جے پی انہیں دو اہم نکات کے ساتھ عوام کے درمیان جائے گی۔دہلی کا راستہ اترپردیش سے ہی ہوکر جاتی ہے ۔ یہی وجہ ہے کہ سبھی اہم سیاسی پارٹیوں کا فوکس بھی سب سے زیادہ یوپی کی 80سیٹوں پر ہی ہوتا ہے ۔ چونکہ سال 2014 سے ہی ریاست کی لوک سبھا کی سب سے زیادہ سیٹیں بی جے پی کے کھاتے میں ہیں۔ لہذا اس حالت کو برقرار رکھنے یہ اس سے آگے نکلنا بی جے پی کی کوشش ہوگی۔ ایک ٹیم کے طور پر بی جے پی ریاستی اسمبلی انتخابات کے بعد سے ہی اس کے لئے پوری شدومد کے ساتھ کوشاں ہے ۔اسی سال منعقد ہوئے اسمبلی انتخابات سے ٹھیک پہلے ستمبر 2021 سے دسمبر 2021 کے دوران وزیر اعظم نریندر مودی سے لے کر بی جے پی کے قومی صدر جے پی نڈا، مرکزی وزیر داخلہ امت شاہ اور وزیر دفاع راجناتھ سنگھ نے کئی مواقع پر اپنے خطاب میں اترپردیش کے نظم ونس ق اور اس کے اثر کا ذکر کیا ہے ۔بڑے لیڈروں کے ذریعہ اس موضوع کو بار بار چھیڑنے کے بعد انتخابی ریلیوں کے دوران یہی موضوع پوری طرح سے چھایا رہا اور سیاسی پنڈتوں کے مطابق انتخابی نتائج میں اس کا خاصی اثر نظر آیا۔
