فی کس ایک لاکھ روپئے کی امداد ۔ بی سی ای زمرہ کی عدم شمولیت سے مسلمان محروم
حیدرآباد۔11جولائی (سیاست نیوز) پسماندہ طبقات کیلئے حکومت کی ’بی سی بندھو‘ اسکیم جس کے تحت پسماندہ طبقات کو ایک لاکھ روپئے تک جاری کرنے کا فیصلہ کیا گیا ہے جس میں بی سی (ای) زمرہ کو شامل نہیں رکھا گیا ہے اس اسکیم کیلئے حکومت سے 400 کروڑ روپئے جاری کردیئے گئے ہیں۔ حکومت سے چند ماہ قبل شروع کی گئی اس اسکیم کیلئے 400 کروڑ کی اجرائی کے احکام جاری کئے جاچکے ہیں اور اس میں پسماندہ طبقات میں شامل مسلمان جو بی سی (ای) زمرہ میں آتے ہیں انہیں درخواست داخل کرنے کی سہولت نہیں تھی اس کیلئے رقومات کی اجرائی کا عمل شروع کردیا گیا ہے۔ حکومت سے اس اسکیم کیلئے جاری کئے گئے جی او میں بی سی (سی) اور بی سی (ای) زمرہ کو محروم رکھا گیا تھا اور اس کیلئے درخواستوں کی وصولی کے ساتھ درکار دستاویزات و اسناد محض آن لائن وصول کئے گئے تھے ۔ درخواستوں کی تنقیح میں چیف سیکریٹری محترمہ شانتی کماری نے تمام کلکٹرس کو احکام جاری کئے کہ وہ جلد ان درخواستوں کی تنقیح و تحقیق کو مکمل کرلیں تاکہ انہیں اسکیم کے فوائد پہنچائے جاسکیں۔ اس اسکیم میں استفادہ کنندگان کو ملنے والے ایک لاکھ روپئے میں سے ایک روپیہ بھی واپس کرنے کی ضرورت نہیں ہے اور ایک لاکھ روپئے کی اسکیم سے استفادہ کیلئے درخواست گذار کا پسماندہ طبقہ سے تعلق ہونا ہی کافی ہوگا۔م
