سری نگر28اکتوبر (سیاست ڈاٹ کام )جموں وکشمیر کے سری نگر سے پاکستان مقبوضہ کشمیر کی راجدھانی مظفرآباد کے درمیان چلنے والی کاروان امن بس خدمات ریاست کے مرکز کے زیر انتظام دو علاقوں میں تقسیم کے بعد تاریخ بن گئی ہے ۔مرکزی حکومت نے گزشتہ 5 اگست کو جموں وکشمیر سے آرٹیکل 370 اور 35 اے کو ختم کرنے کا اعلان کیا تھا اور ریاست کو مرکز کے زیر انتظام دو علاقوں لداخ اور جموں وکشمیر میں تقسیم کرنے کا فیصلہ کیاتھا۔ کاروان امن بس خدمات 1947 میں ملک کی تقسیم کے دوران الگ ہوئے اہل خانہ کو ملانے کے لئے 2005 میں شروع کی گئی تھی۔سری نگر اور مظفرآباد کے درمیان پہلی کاروان امن بس کو سات اپریل 2005 کو ہری جھنڈی دکھائی گئی تھی۔یہ بس خدمات شروع کئے جانے کے وقت یہ فیصلہ کیا گیا تھا کہ دونوں فریقوں کے ریاستی فہرست میں شامل موضوعات کے تحت لوگوں کو سرحد عبور کرنے کی اجازت دی جائے گی۔ اس بس سے سفر کرنے والے مسافروں کو پاسپورٹ کی جگہ ’سفرپرمٹ‘ دی جائے گی۔
