حیدرآباد ۔ 28۔نومبر (سیاست نیوز) تلنگانہ بار کونسل کے انتخابات 30 جنوری 2026 کو منعقد ہوں گے ۔ بار کونسل کے مطابق ووٹرس کی ابتدائی فہرست یکم ڈسمبر کو جاری کی جائے گی ۔ فہرست پر اعتراضات اور دعوؤں کی سماعت کے بعد 10 ڈسمبر کو رائے دہندگان کی قطعی فہرست جاری ہوگی۔ 20 ڈسمبر کو الیکشن نوٹیفکیشن گزٹ میں شائع کیا جائے گا ۔ پرچہ نامزدگی کے ادخال کا 29 ڈسمبر کو آغاز ہوگا اور 9 جنوری تک پرچہ جات کی ادخال کی گنجائش رہے گی۔ پرچہ جات کی جانچ 10 جنوری کو ہوگی اور 13 تا 16 جنوری پرچہ جات نامزدگی واپس لئے جاسکتے ہیں۔ امیدواروں کی قطعی فہرست 17 جنوری کو جاری ہوگی۔ بار اسوسی ایشنوں کو بیالٹ پیپرس اور بیالٹ باکسس 19 جنوری کو سربراہ کئے جائیں گے۔ رائے دہی 30 جنوری کو ہوگی اور 10 فروری کو ووٹوں کی گنتی اور نتیجہ کا اعلان ہوگا۔بار کونسل انتخابات کیلئے تیاریوں اور سرگرمیوں کا عملا آغاز بھی ہوگیا ہے ۔ 1
