چومحلہ، چارمینار، گولکنڈہ، ورنگل، حیدرآباد آؤ تلنگانہ دیکھیں خصوصی مہم کا آغاز
حیدرآباد 21 نومبر (سیاست نیوز) تلنگانہ ڈیولپمنٹ کارپوریشن نے ریاست میں سیاحت کو فروغ دینے کے لئے ایک جامع پہل کرتے ہوئے اندرون و بیرون ممالک سے آنے والے کاروباری، مذہبی اور تفریحی سیاحوں کے لئے خصوصی ٹور پیاکیجس متعارف کرایا ہے۔ ایک ہی سفر میں کام بھی سیاحت بھی مکمل تجربہ فراہم کیا جاسکے۔ اس مقصد کے تحت نیا سلوگن ’’تلنگانہ دیکھیں حیدرآباد بلارہا ہے‘‘ جس میں کام کریں، سفر کریں اور حیران رہ جایئے کا نعرہ دیا گیا۔ کارپوریشن نے ایک روزہ، دیڑھ روزہ اور دو روزہ کے علاوہ مختلف ٹورس تیار کئے ہیں جو حیدرآباد اور تلنگانہ کے تاریخی ورثے، روحانیت اور قدرتی حسن کا بہترین امتزاج پیش کیا جارہا ہے۔ ایک روزہ ٹور سیاحوں کو حیدرآباد کی شان و شوکت سے روشناس کراتا ہے جس میں چومحلہ پیالس، چارمینار، مکہ مسجد، لاڈ بازار، سالار جنگ میوزیم، قلعہ گولکنڈہ، حسین ساگر جھیل میں بدھا کا مجسمہ شامل ہیں۔ یہ ٹور سیاحوں کو قدیم ورثے اور جدید شہر کے حسین امتزاج کا تجربہ فراہم کرتا ہے۔ دنیا بھر کے سیاحوں کی توجہ کا مرکز راموجی فلم سٹی کا خصوصی ٹور صبح 8 بجے سے رات 8 بجے تک جاری رہتا ہے۔ 12 گھنٹوں پر مشتمل یہ پیاکیج فلم سازی کے پس پردہ مناظر، تفریحی سرگرمیاں، سرسبز لوکیشنس اور عالمی معیار کی سہولتوں سے بھرپور ہے۔ ورنگل ٹور مذہب، تاریخ اور فن تعمیر کی ایک مکمل تصویر پیش کرتا ہے۔ یادگیر گٹہ میں لکشمی نرسمہا سوامی مندر، کوہ نوپوکا میں جین مندر اور سومیشورا مندر، ورنگل قلعہ، بھدرا کالی مندر، ہزار ستون مندر، یونیسکو تسلیم شدہ رامپا مندر، اختتام لکھنا ورم جھیل کے حسین نظاروں کے ساتھ ہوگا۔ دریائے کرشنا کے کنارے 280 ایکر اراضی پر مشتمل بدھوانم دنیا کا سب سے بڑا بدھسٹ تھیم پارک ہے۔ دو روزہ ٹور میں شامل ہیں۔ ناگر جنا ساگر میں کشتی کا سفر، بدھ مندر کے آثار، صدیوں پرانی تاریخی نودرات کا میوزیم، ماحول دوست گرین ہوٹل میں رات کا قیام، کیمپ فائر اور ثقافتی پروگرام، بدھ مت کی تاریخ، فطرت اور سکون کا منفرد تجربہ سیاحوں کے لئے انتہائی پُرکشش ہے۔ ہینڈلوم کی عالمی شہرت یافتہ سرزمین پوچم پلی کا ٹور دستکاری کے شوقین افراد میں خاص مقام رکھتا ہے۔2
