حیدرآباد۔11اپریل (سیاست ڈاٹ کام) ٹینس اسٹار ثانیہ مرزا نے ازخود تنہائی اختیار کئے فِٹ رہنے کی آسان سی ورزش بتاتے ہوئے بہن انعم مرزا اور بہنوئی اسدالدین کو بھی چیلنج کردیا۔سماجی رابطے کی ویب سائٹ انسٹاگرام پرانہوں نے اپنی ورزش کرتے ہوئے ایک ویڈیو شائع کی اورکہا کہ لاک ڈاؤن کے دو ہفتے گزر جانے کے بعد وہ اپنے ورک آؤٹ سیشن کو یاد کررہی ہیں۔انہوں نے کہا کہ ایسی صورتحال میں گھریلو سامان یعنی صوفہ یا کرسی کا استعمال کرتے ہوئے بھی آپ اپنے فٹنس کے اہداف حاصل کرسکتے ہیں۔انہوں نے موجودہ دنوں میں اپنے مداحوں کو فٹنس کا بھرپور خیال رکھنے کا مشورہ بھی دیا۔ ثانیہ مرزا نے لوور کے لیے ایک مفید ورزش گھر میں رکھے صوفے کی مدد سے بڑی آسانی سے کی اور اپنی بہن اور بہنوئی کو بھی ایسی ورزش کر کے ویڈیو شائع کرنے کا چیلنج کردیا۔
