نئی دہلی: محنت اور روزگار کے مرکزی وزیر منسکھ منڈاویہ نے آج کہا کہ مرکزی حکومت نے کنٹریکٹ اور پلیٹ فارم پر کام کرنے والوں کے لیے سماجی تحفظ کا ایک پائیدار ماڈل تیار کرنے کے لیے تین کمیٹیاں تشکیل دی ہیں۔ منڈاویہ نے یہاں ریاستوں اور مرکز کے زیر انتظام علاقوں کے وزرائے محنت اور لیبر سکریٹریوں کے ساتھ دو روزہ ورکشاپ کے اختتامی اجلاس میں کہا کہ مختلف ریاستوں اور مرکز کے زیر انتظام علاقوں کے بہترین طریقوں کو اپنانے کی فزیبلٹی کا اندازہ لگایا جانا چاہئے ۔ انہوں نے کہا کہ مرکز ریاستی حکومتوں کے ساتھ مل کر کام کرتا رہے گا تاکہ منظم اور غیر منظم کارکنوں کی فلاح و بہبود کو یقینی بنانے کے لیے مختلف اصلاحات اور اقدامات کو ڈیزائن کیا جا سکے ۔ انہوں نے کہا کہ پنشن، صحت کی دیکھ بھال، زندگی اور حادثاتی انشورنس وغیرہ فراہم کرنے والے جامع اور فلاحی پروگراموں پر تبادلہ خیال کیا جا رہا ہے ۔
