ممبئی : جان ابراہم نے پردے پر ہیرو سے لے کر ویلن تک ہر طرح کے کردار ادا کیے ہیں۔ اب وہ اسکرین پر ہندوستانی سفارتکارکے کردار میں نظر آنے والے ہیں۔ وہ دی ڈپلومیٹ نامی فلم لارہے ہیں جس کا ٹیزر جاری کردیاگیا ہے۔ ٹیزر میں جان کا کردار کافی متاثر کن نظر آرہا ہے۔ ٹیزر وزیر خارجہ ایس جے شنکرکے ویڈیو کلپ سے شروع ہوتا ہے۔ وہ کہتے ہیں، دنیا کا سب سے بڑا سفارت کار کون تھا؟ سب سے بڑے سفارت کار شری کرشن تھے اور ایک ہنومان جی تھے۔ اس چھوٹے سے کلپ کے بعد جان ابراہم داخل ہوتے ہیں۔ وہ آکر پوچھتا ہے کہ کیا مسئلہ ہے۔ اس کے بعد ایک خاتون ان کے سامنے پیش ہوتی ہے اور دعویٰ کرتی ہے کہ وہ ہندوستانی شہری ہے۔ جان کو عورت سے پوچھ گچھ کرتے ہوئے دیکھا گیا ہے اور کہا گیا ہے کہ کچھ چھپاؤ نہیں، ورنہ تمہارے لیے مشکل ہو جائے گی۔ اس کے بعد جان کا ایک دوست اسے کہتا ہے کہ آئی ایس آئی والے ہمیں اکیلا نہیں چھوڑ رہے، اس پر جان نے جواب دیا کہ بیٹا یہ پاکستان ہے، آدمی ہو یا گھوڑا، کوئی سیدھا نہیں چلتا۔ ہمیشہ ڈھائی قدم۔ جان ابراہم اس فلم میں آفیسر جے پی کا کردار ادا کر رہے ہیں۔ وہ ہندوستانی سفارت کارکے کردار میں کافی اچھے لگ رہے ہیں۔ شیوم نائر نے اس فلم کو ڈائریکٹ کیا ہے۔ رتیش شاہ نے اس فلم کی کہانی لکھی ہے۔ بھوشن کمار، سمیر ڈکشٹ، جتیش ورما، راکیش ڈانگ، وپل ڈی شاہ، اشون وردے اور راجیش بہل نے مشترکہ طور پر اس فلم کو پروڈیوس کیا ہے۔ جان ابراہم بھی پروڈیوسرز میں شامل ہیں۔
