حیدرآباد۔ لڑکیوں کی عریاں تصاویر کے ساتھ جسم فروشی کا کاروبار کرنے والے ایک بردہ فروش کے خلاف کمشنر پولیس رچہ کنڈہ مہیش بھگوت نے پی ڈی ایکٹ نافذ کردیا۔ پولیس کمشنر نے 37 سالہ ویگنیش عرف وکی کے خلاف پی ڈی ایکٹ نافذ کرتے ہوئے احکامات کو جاری کردیا۔ ویگنیش اس کے ساتھیوں کے ہمراہ غریب بے سہارا لاچاراور مجبور خواتین اور لڑکیوں کی کمزوری کا فائدہ اٹھاکر ان سے جسم فروشی کروانے والی ٹولی کا رکن ہے۔ یہ لوگ لڑکیوں کی عریاں تصاویر کو ڈیٹنگ سائیٹ پر ڈال کر اپنے فون نمبرات درج کرتے تھے تاکہ کوئی گراہک ان سے رابطہ بنائے۔ یہ لوگ آن لائن اور آف لائن جسم فروشی کے کاروبار میں سرگرم تھے۔ جسم فروشی کے اس ریاکٹ کو پولیس نے 6 مارچ کو بے نقاب کیا تھا۔
