کراچی ۔22 فروری (سیاست ڈاٹ کام )کراچی کنگز کے ہیڈکوچ ڈین جونز نے میچ کے بعد میدان کی صفائی کرکے مثال قائم کردی۔کراچی کنگز اور پشاور زلمی کے دوران مقابلے کے بعد فاتح ٹیم کے ہیڈ کوچ نے میچ ختم ہونے کے بعد کھلاڑیوں کے بیٹھنے کی جگہ (ڈگ آؤٹ) کی صفائی کی۔ ان کی صفائی کرتے ہوئے ویڈیو سماجی رابطے کی ویب سائٹس پر وائرل ہوا جس میں ان کو پانی کی خالی بوتلیں اور دیگر کچرا ڈسٹ بن میں ڈالتے ہوئے دیکھا گیا۔ کوچ ڈین جونز کے اس عمل کو سماجی رابطے کی ویب سائٹ پر عوام کی جانب سے جہاں خوب سراہا گیا وہیں چند افراد نے اسے عوام کے لیے سبق قرار دیا۔ ایک صارف نے کہا کہ ڈین جونز نے پی ایس ایل کے شائقین کو واضح پیغام دیا ہے۔
