الجزائر: الجزائر میں ایک نوجوان کی بینائی بحال ہونے کا حیران کن اور ناقابل تصور واقعہ رونما ہوا ہے جسے جان کرہرشخص دنگ رہ گیا۔یہ واقعہ الجزائر کی تیارت ریاست میں پیش آیا، جب ایک نابینا نوجوان عید کے دوسرے روز مسجد میں مغرب کی نماز ادا کررہا تھا۔ سجدے کی حالت میں اس پر اللہ کی ایسی کرم نوازی ہوئی کہ دو سال سے بینائی سے محروم نوجوان کی بینائی لوٹ آئی۔ مقامی میڈیا کے مطابق تیارت ریاست کی جامع مسجد عمربن عبدالعزیز میں عید کے دوسرے روز لوگ مغرب کی نماز ادا کررہے تھے۔ نمازیوں میں نابینا احمد قداری بھی تھا جو دو سال سے بینائی سے محروم ہوچکا تھا۔ الجزائر کے چینل النہار کو دیئے گئے ایک بیان میں احمد قداری نے کہا کہ اللہ تعالیٰ نے عید الاضحی کے دوسرے دن مسجد کے اندر ان کی بینائی بحال کردی حالانکہ وہ صحت یاب ہونے کی امید کھوبیٹھے تھے۔ قداری نے مزید کہا کہ میں مغرب کی نماز پڑھنے کیلئے پیدل مسجد میں آیا، میں حسب معمول بیٹھا، پھر مالا اٹھا کر اذان کا انتظار کرتے ہوئے تسبیح کرنے لگا۔جب نماز کا وقت ہوا اور اقامت کے بعد میں آگے بڑھا۔ نمازیوں کے ساتھ قطار میں کھڑا ہو گیا ہاتھ اٹھائے اور دعا کہ اللہ بینائی کھول دے۔ پھرامام کے بعد تکبیر کہی۔ معمول کے مطابق تیسری رکعت میں میں سجدے سے اٹھا،بے ساختہ آنکھیں کھولیں تو مجھے پیلا فرش دکھائی دیا۔
