مکہ معظمہ: حرمین شریفین انتظامیہ کے تحت وبائی امراض کے انسداد کیلئے کام کرنے والی کمیٹی کے سربراہ حسن برکات نے کہا ہے کہ ’حرم شریف میں استعمال ہونے والی ادویہ اعلی معیار کی ہیں‘۔’حرم کی صفائی اور جراثیم سے پاک رکھنے کیلئے 33 ٹیمیں دن کے 24 گھنٹے کام کرتی ہیں جو حرم کے اندرون حصے کے علاوہ بیرونی صحنوں کی بھی صفائی پر مامور ہیں‘۔ ’حرم مکہ کو ہر قسم کی جراثیم سے پاک رکھنے کیلئے 3500 لیٹر ادویہ کا استعمال کیا جاتا ہے‘۔’زائرین کیلئے حرم کے مختلف حصوں میں اسمارٹ سینیٹائز آلات نصب ہیں جن میں روزانہ ایک ہزار لیٹر مواد کا استعمال کیا جاتا ہے‘۔’ان تمام تر کوششوں کا مقصد یہ ہے کہ حرم مکی کو کورونا سمیت ہر قسم کے جراثیم اور وبائی امراض سے مکمل طور پر پاک رکھا جائے‘۔
