لکھنؤ: اترپردیش کی سابق وزیر اعلی اور بہوجن سماج پارٹی(بی ایس پی) کی سپریمو مایاوتی نے اترپردیش میں جرائم کنٹرول کے نام پر بدھ کو یوگی حکومت پر عدالتی نظام کو نظر انداز کرنے کا الزام لگایا ہے ۔مایاوتی نے ٹوئٹ میں کہا’ یوپی میں بھی نظم و نسق و جرائم کنٹرول وغیرہ کے نام پر جس طرح سے حکوموت و پولیس عدلیہ کو نظر انداز کرکے کام کررہی ہے وہ انتقامی ہی نہیں بلکہ قانون کے راج کا مذاق ہے ۔ قانون کے راج کے لئے من مانی نہیں بلکہ قانونی عمل کے تحت سزا یقینی ہونی چاہئے ۔قابل ذکر ہے کہ اترپردیش میں یوگی حکومت ملزمین کے من میں قانون کے تئیں خوف پیدا کرنے کے لئے بلڈوزر سے املاک کو منہدم کرنے کی مہم چلارہی ہے ۔ اس کا اثر پڑوسی ریاست مدھیہ پردیش میں بھی اب دکھائی دینے لگا ہے ۔اور وہاں کی شیوراج حکومت نے بھی نقض امن و سماج ہم آہنگی کو نقصان پہنچانے کے نام پر متعدد افراد کے خلاف بلڈوزر کا استعمال کیا ہے ۔مایاوتی نے اس طرح کے واقعات کا سیاق لیتے ہوئے بی جے پی کی حکمرانی والی ریاستوں پر انتقام کے جذبے سے کاروائی کرنے کا الزام لگایا ہے ۔
