حیدرآباد22مارچ (یواین آئی)حیدرآباد میں شدید گرمی کے بعد جمعہ کی شب مختلف علاقوں میں شدید گرج چمک کے ساتھ بارش اور ژالہ باری دیکھی گئی۔ بارش نے عوام کو راحت پہنچائی، جو طویل گرمی کی لہر سے متاثر تھے ۔ جمعہ کی رات8.30 بجے سے ہفتہ کی صبح 7 بجے تک یونیورسٹی آف حیدرآباد میں 54.5 ملی میٹر بارش ریکارڈ کی گئی، جب کہ الاپور، وویکانند نگر،ضلع ملکاجگری میں 50.8 ملی میٹر بارش ہوئی۔ دیگر علاقوں میں ریکارڈ کی گئی بارش میں مادھاپور (48.8 ملی میٹر)، خیریت آباد (48.5 ملی میٹر)، راجندر نگر (47.5 ملی میٹر)، گچی باؤلی (45.8 ملی میٹر)، کاپرا (39.3 ملی میٹر) اور الوال (35.8 ملی میٹر) شامل ہیں۔
