دبئی، 3 ستمبر ( سیاست ڈاٹ کام) دبئی میں بزرگ ہندوستانی تاجر لیڈر مگن مل جیٹھانند پنچولیا کا انتقال ہو گیا ہے ۔ وہ 95 سال کے تھے ۔ خاندانی کے ذرائع نے گلف نیوز کو اس کی اطلاع دی ۔ بزرگ تاجر کا پیر کے روز انتقال ہوا ۔ آنجہانی پنچولیا کے سب سے بڑے بیٹے ڈاکٹر لال چند ایم پنچولیا نے بتایا کہ ان کے والد کو اس وقت سینے میں درد ہوا جب وہ دفتر میں تھے ۔ ڈاکٹر لال چند نے بتایا ‘‘میں اب بھی صدمے میں ہوں، دوپہر میں اچانک سب کچھ ہوا ۔ انہیں سینے میں درد ہوا اور وہ بے چینی محسوس کرنے لگے ۔ ہم نے دفتر میں ایمبولینس کا انتظام کیا اور وہ خود سٹی ہاسپٹل پہنچے لیکن وہاں ان کا انتقال ہو گیا ’’۔ مگن مل مگھبا کے نام سے مقبول تھے ۔ وہ عربین ٹریڈنگ ایجنسی کے صدر تھے ۔دبئی میں واقع ہندوستان کے قونصلر وپل نے آنجہانی کے انتقال پر کہا‘‘یہ تاجر برادری کے لئے بڑا نقصان ہے ۔ انہیں پوری تاجر برادری میں باپ کے طور پر احترام حاصل تھا ۔ وہ سماجی کاموں کے لئے بھی وقف تھے ۔ انہوں نے ہندوستان ، ہندوستانیت اور متحدہ عرب امارات کے لئے عظیم خدمات انجام دی ’’۔
