مکیش امبانی ہندوستان کے سب سے امیرفرد
واشنگٹن : فوربس نے دنیا کے امیر ترین افراد کی فہرست جاری کر دی ہے۔ فوربس کی فہرست میں 200 ہندوستانیوں کو جگہ ملی ہے۔ پچھلے سال اس فہرست میں 169 ہندوستانیوں کے نام شامل تھے۔ رپورٹ کے مطابق ہندو ستانی ارب پتیوں کی کل دولت 954 ارب ڈالر تک پہنچ گئی ہے۔ گزشتہ سال یہ 675 بلین ڈالر تھی جس میں تقریباً 41 فیصد اضافہ ہوا ہے۔ ریلائنس انڈسٹریز کے چیئرمین مکیش امبانی 116 بلین ڈالر کی مجموعی مالیت کے ساتھ ہندوستان کے سب سے بڑے ارب پتیوں کی فہرست میں سرفہرست ہیں۔اڈانی گروپ کے سربراہ گوتم اڈانی 84 بلین ڈالر کی دولت کے ساتھ دوسرے نمبر پر رہے۔ اس کے بعد 36.9 ڈالر کے ساتھ شیونادر ہے۔ ساوتری جندال کے پاس 33.5 بلین ڈالر ہیں۔ ساوتری جندال ہندوستان کی امیر ترین خاتون ہیں۔ دلیپ سنگھوی 26.7 بلین ڈالر کے ساتھ پانچویں نمبر پر ہیں۔ دنیا کے ٹاپ 10 امیر ترین افراد کی فہرست میں ہندوستان سے صرف ایک مکیش امبانی ہیں۔ امبانی دنیا کے نویں امیر ترین شخص ہیں۔ برنارڈ آرناولٹ پہلے تھے۔ایلون مسک دوسرے اور جیف بیزوس تیسرے نمبر پر ہیں۔ مارک زکربرگ، لیری ایلیسن، وارن بفیٹ، بل گیٹس، اسٹیو بالمر، مکیش امبانی، لیری پیج اگلی پوزیشن پر ہیں۔