کولکاتہ۔ 21 جون (یو این آئی) انفورسمنٹ ڈائریکٹوریٹ (ای ڈی) نے شیام بیئرنگ لمیٹڈ کے احاطے میں چھاپے کے دوران 2.57 کروڑ روپے سے زیادہ کے سونے کے زیورات اور 10 لاکھ روپے سے زیادہ کی نقدی ضبط کی ہے ۔ یہ کارروائی بینک فراڈ کیس میں منی لانڈرنگ کے انسداد ایکٹ (پی ایم ایل اے ) کے تحت کی گئی ہے ۔ سرکاری ذرائع نے ہفتہ کے روز بتایا کہ یہ چھاپہ جمعرات کے روز مارا گیا جس میں پتہ چلا کہ شیام بیئرنگ پرائیویٹ لمیٹڈ نے مختلف فرضی اداروں کے ذریعے قرض کے فنڈ میں غبن کیا ہے ۔ اس دوران ای ڈی نے دھوکہ دہی کے معاملے میں متعدد قابل اعتراض دستاویزات ضبط کیے ہیں اور دھوکہ دہی کے معاملے میں اہم افراد کے بیانات درج کیے ہیں۔ ای ڈی نے 10.10 لاکھ روپے نقد اور 2.57 کروڑ روپے کے 2.752 کلو گرام سونے کے زیورات ضبط کیے ہیں۔ اس سے پہلے مرکزی تفتیشی بیورو (سی بی آئی) کی طرف سے ضابطہ انصاف کی مختلف دفعات کے تحت شکایت درج کرائی گئی تھی۔ بعد ازاں ای ڈی نے چھاپے کی کارروائی شروع کی۔ پرائیویٹ فرم اور اس سے ملحقہ اداروں پر الزام تھا کہ انہوں نے 2008 اور 2015 کے درمیان جعلی دستاویزات جمع کر کے اسٹیٹ بینک آف انڈیا کو دھوکہ دیا۔ اس سلسلے میں پی ایس یو کو 12.08 کروڑ روپے کا نقصان ہوا۔
