نئی دہلی، 22 جنوری (یو این آئی) جمعرات کو دھند کی موٹی چادر نے دارالحکومت کو ڈھانپ لیا، جس کی وجہ سے شہری آلودہ ہوا میں سانس لینے پر مجبور رہے ۔ صبح 8 بجے دہلی کا ایئر کوالٹی انڈیکس 312 ریکارڈ کیا گیا، جو ’بہت خراب‘ زمرے کے نچلے حصے میں آتا ہے ۔ گزشتہ 24 گھنٹوں میں مغربی ہوا، جس کی رفتار 15 کلومیٹر فی گھنٹہ تک تھی، دہلی میں غالب رہی، جیسا کہ انڈیا میٹیرولوجیکل ڈیپارٹمنٹ کے ڈیٹا میں ظاہر ہے ۔ محکمہ موسمیات کے مطابق جمعہ کو صبح یا دن کے ابتدائی اوقات میں ہوا کی رفتار 30 سے 40 کلومیٹر فی گھنٹہ تک بڑھنے کا امکان ہے ، جس سے شہریوں کو زہریلی ہوا سے کچھ راحت مل سکتی ہے ۔
