حیدرآباد ۔ شہر کے مصروف ترین پنجہ گٹہ جنکشن کے قریب آج اس وقت سنسنی پھیل گئی جب ایک شخص نے جو ذہنی طورپر متاثر بتایاجاتا ہے نے سڑک کے درمیان میں رکھے ہوئے ٹریفک پوسٹ پر چڑھ کر پھانسی لینے کی کوشش کی۔اس نے اپنے ساتھ لائی ہوئی رسی کو فلائی اوور سے باندھ کر پھانسی لینے کی کوشش کی۔اچانک اس شخص کی ایسی کوشش پر وہاں راہگیروں کا ہجوم جمع ہوگیا جنہوں نے ٹریفک پولیس کے ساتھ اس کونیچے اتارنے کیلئے کوششیں شروع کردیں۔ساتھ ہی نیچے سے بعض افراد نے چیخ وپکار بھی شروع کردی تاکہ وہ یہ سن کر نیچے اتر آئے تاہم اس نے پھانسی لینے میں ہوئی ناکامی اور نیچے سے بعض راہگیروں کی جانب سے اس کو اتارنے کیلئے ٹریفک پوسٹ کے اوپر آنے کی کوشش پر نیچے ٹہری ہوئی آرٹی سی بس پر چھلانگ لگادی جس کے بعد بعض نوجوانوں نے بس پر چڑھ کر اس پرقابو پایا اور اس کو محفوظ طورپر نیچے اتارلیاگیا۔اس واقعہ میں اسے کسی بھی قسم کی کوئی گزند نہیں پہنچی۔اس شخص کی شناخت ظہیرآباد کے رہنے والے راجو کے طورپر کی گئی ہے جو پیشہ سے ڈرائیور ہے اور تیلاپور کمشنر کے دفتر سے منسلک ہے ۔اس کا چندانگر میں علاج کیاجارہا تھا تاہم نمس کو منتقلی کے دوران یہ فرارہوگیاتھا۔بعد ازاں اس شخص کو اس کے خاندان کے حوالے کردیاگیا۔اس کے خاندان نے کہا کہ اس نے اس طرح کی حرکت پہلی مرتبہ نہیں کی ہے ۔ہائی بلڈ پریشر کی شکایت پر اس کا علاج کیاجارہا تھا۔
