جنگاؤں میں ویجیلنس کمیٹی کا اجلاس ، کلکٹر لنگیا کا خطاب
جنگاؤں۔ 2 نومبر (سیاست ڈسٹرکٹ نیوز) ضلع کلکٹر جنگاؤں سی ایچ شیولنگیانے کہا کہ صارفین کو بہتر خدمات فراہم کی جائیں۔ نو تشکیل شدہ ویجلنس کمیٹی کے قیام کے بعد پہلی بار ضلع کلکٹر جنگاؤں سی ایچ شیولنگیا کی زیر صدارت کمیٹی کے ارکان کے ہمراہ ایک جائزہ اجلاس منعقد کیا گیا۔کلکٹر نے وضاحت کی کہ این ایف ایس سی ایکٹ 2013 کے مطابق ضلع کے 12 منڈلوں میں 1,61,235 راشن کارڈ گیرندوں کو 4127.886 میٹرک ٹن مفت چاول فراہم کیا جا رہا ہے۔ انہوں نے کہا کہ ضلع کے 695 آنگن واڑی مراکز کو ایف آر کے چاول فراہم کئے جارہے ہیں، ایم ڈی ایم اسکولوں و ہاسٹلوں کو عمدہ چاول فراہم کیا جارہاہے۔ انھوں نے کہا کہ صارفین کو فراہم کردہ خدمات کی جانچ کیلئے ایک ویجلنس منڈل سطح کی کمیٹی تشکیل دی جانی چاہیے۔ راشن کی دکانوں کے بورڈ پر اسٹاک کا اندراج کرنا چاہتے ہیں اور بائیو میٹرکس کے ذریعے اجناس تقسیم کی جائیں۔ صارفین کو آسانی سے خدمات فراہم کی جائیں۔متعلقہ حکام کو ہدایت کی کہ وہ صارفین کے گھر جا کر سوشل آڈٹ کرائیں اور باقاعدہ رپورٹ پیش کریں۔پبلک ڈسٹری بیوشن سسٹم میں کوئی مسئلہ درپیش ہوتو ڈی جی آر او کو شکایت کی جائے۔اس موقع پر ایڈیشنل کلکٹر جناب عبدالحمید، سیول سپلائی آفیسر روجا رانی، ڈی ایم سندھیا رانی، ڈی آر ڈی او پروجیکٹ ڈائرکٹر رام ریڈی، سی ای او زیڈ پی، وسنتھا، ضلع بہبودی افسر جینتی، راشن ڈیلرس، صدر کرن ریڈی اور متعلقہ محکموں کے عملہ نے شرکت کی۔
