نئی دہلی: روزگار کے سلسلے میں لیبیا کے بن غازی گئے 18 ہندوستانی شہری ہندوستانی سفارتخانے کی مدد سے آج وطن واپس پہنچ گئے ۔وزارت خارجہ کے ترجمان رندھیر جیسوال نے ایکس پر بتایا کہ لیبیا میں ہندوستانی سفارتخانے نے بن غازی، لیبیا سے 18 ہندوستانی شہریوں کی واپسی کی سہولت فراہم کی ہے اور وہ چہارشنبہ کو ہندوستان پہنچیں گے ۔یہ ہندوستانی روزگار کے سلسلے میں لیبیا گئے تھے اور کئی ہفتوں سے وہاں پھنسے ہوئے تھے ۔ سفارتخانے نے مقامی حکام کے ساتھ مل کر کام کیا اور ضروری اجازت اور سفری دستاویزات فراہم کرنے میں ہندوستانی کارکنوں کی مدد کی۔انہوں نے کہا کہ جب ان کے کیس کا جائزہ لیا جا رہا تھا، اس وقت سفارت خانہ ان کی خیریت کو یقینی بنانے اور روزمرہ کی ضروریات کو پورا کرنے میں ان کی مدد کے لیے ان کے ساتھ مسلسل رابطے میں رہا۔ اسی گروپ کے تین دیگر ہندوستانی شہری گزشتہ اکتوبر میں سفارتخانے کی مدد سے ہندوستان واپس آئے تھے۔
ہندوستانی سفارت خانے نے لیبیا کے حکام کی حمایت اور تعاون کا شکریہ ادا کیا ہے ۔
