ڈھاکہ، 11 جولائی (سیاست ڈاٹ کام) اقوام متحدہ کے سابق سیکرٹری جنرل بان کی مون نے روہنگیا مسئلہ پر تشویش اور زبردستی نکالے گئے روہنگیا پناہ گزینوں کو واپس لینے پر ہچکچاہٹ کے لئے میانمار حکومت کے خلاف سخت ناراضگی کا اظہار کیا ہے ۔ مون نے جزائر مارشل کے صدر ڈاکٹر ہلڈھاہن اور عالمی بینک کے چیف ایگزیکٹو آفیسر ڈاکٹر کرسٹیلائن جرجیوا نے کاکس بازار میں کتپولانگ میں واقع روہنگیا پناہ گزینوں کے راحت کیمپ کے دورے کے بعد صحافیوں کو بتایا‘‘یہ بالآخر بنگلہ دیش کے لئے ایک ناقابل برداشت بحران ہو گا ’’۔انہوں نے کہا‘‘ یہ بنگلہ دیش کے لئے ممکن نہیں ہے کہ وہ اتنی بڑی تعداد میں روہنگیا کو طویل عرصے رکھ سکے ’’۔ جنوبی کوریا کے سابق سفارتکار اور سال 2007 سے 2016 تک مسلسل دو بار اقوام متحدہ کے سیکریٹری جنرل رہے مسٹر مون نے کہا کہ روہنگیا بنگلہ دیش جیسے ملک کے لئے بہت بڑا ‘بوجھ’ بن کر سامنے آئے ہیں ۔ انہوں نے کہا‘‘میانمار حکومت کو زیادہ کوشش کرنی چاہئے تاکہ روہنگیا بغیر کسی خوف کے اپنے ملک لوٹ سکیں ۔